Пушкăртстан вăхăтлăха сахăр песукне урăх регионсене сутмĕ

Пушкăртстанри влаçсем сахăр туса кăларакан завод ертÿçисемпе вăхăтлăха тавара Раççейĕн ытти регионĕсене сутма тăхтаса тăрасси çинчен калаçса татăлнă. Производительсемпе влаçрисем пĕр-пĕринпе ăнлану тупнă май, хальлĕхе пылак апатпа республика рынокĕнче ытларах усă курĕç.

- Лавкасемпе пĕчĕк суту-илÿ точкисенче сахăра туянасси 2-3 хут ÿснĕ, хăш-пĕр çĕрте пиллĕк те. Çакна суту-илÿ вырăнĕсене тытса тăракан ертÿçĕсем пĕлтереççĕ. Çавна пула дефицит тени пуçланать, мĕншĕн тесен сахăра туса кăлакансем ăна вырăна илсе килме ĕлкĕреймеççĕ. Çав вăхăтрах лавка е супермаркет тытса тăракансем тавар туянакансен ыйтнине тивĕçтерес тесе чылай нумайрах сахăр туянма тăрăшаççĕ, - тесе пĕлтернĕ ПР суту-илÿ минстрĕ Алексей Гусев.

Сăмах май, Пушкăртстан сахăр кăшманĕнчен çÿлерех асăннă тавара туса илессипе лидер регионсен шутне кĕрет. Пĕлтĕр эпир хамăра-хамăр сахăрпа тивĕçтересси 200 процентпа танлашнă.

Юрий СНЕГОПАД.

Автор: Юрий Михайлов

Читайте нас