Туймазăра çĕнĕ госпитале хута янă

Ĕнер, март уйăхĕн 12-мĕшĕнче, Туймазă хулинче кăшăлвируса хирĕç кĕрĕшмелли клиникăпа диагностика инфекци центрĕ уçăлнă. Медицина учрежденине уçнă çĕре Пушкăртстан Пуçлăхĕ Радий Хабиров, республикăн премьер-министрĕ Андрей Назаров хутшăннă.

Сывлăх сыхлав объектне Ĕпхÿри тата Çтерлĕри госпитальсем пекех питĕ кĕске вăхăт хушшинче туса пĕтернĕ. Ăна 2021 çулхи декабрь уйăхĕн 30-мĕшĕнче хăпартма пуçланă, икĕ уйăхран вăл чирлĕ çынсене йышăнма хатĕр пулнă. Строительство лапамĕнче кашни кун талăкĕпех 900 çын ĕçленĕ.

Малашне госпиталь таврари 2 хулапа 7 район пациенчĕсене медицина пулăшăвĕ парĕ.

Юрий СНЕГОПАД.

Автор:Юрий Михайлов

Читайте нас

Новости партнеров