Пĕчĕк тата вăтам хуласенчи вăтам ĕç укçи паллă

Пушкăртстан пĕчĕк тата вăтам хуласенчи вăтам ĕç укçин шайĕпе Раççейĕн ытти регионĕсемпе танлаштарсан 36-мĕш вырăн йышăннă. Çÿлерех асăннă хуласенче тата муниципалитетсенче пурăнакансен ĕç укçи 36,1 пин тенке çитнĕ.

Экспертсем палăртнă тăрăх, 2021 çулхи пандеми çулĕнче регионта ĕç укçи 9% ÿснĕ.

Çурçĕрпе Инçет Хĕвел Тухăç енчи регионсенчи (Ямалпа Ненец тата Ханты-Мансийск автономлă округсем, Магадан тата Сахалин облаçĕсем) пĕчĕк тата вăтам хуласенче пурăнакансен вăтам ĕç укçи пысăк пулнине палăртса хăвармалла. Асăннă районсенче çут çанталăк пурлăхне çĕр айĕнчен кăларакан промышленность лайăх аталаннă.

Автор: Ирида Матниязова

Читайте нас