Пушарта пиçнĕ хĕрарăм пĕр уйăхран вилнĕ

Март уйăхĕн 10-мĕшĕнче Ишимбай районĕнчи Петровский ялĕнчи Мостовой урамĕнчи йывăç çуртра пушар пуçланнă. Вут-çулăма вырăнти тата Васильевка ялĕн ирĕклĕ пушар ушкăнĕ сÿнтернĕ.

Пушар сÿнтерекенсем вырăна çитсен 1962 çулта çуралнă вут-çулăмран хур курнă хĕрарăма асăрханă. Ăна Çтерлĕ хулинчи 1№ больницăн пĕçертнĕ сурансене сиплекен уйрăмне илсе кайнă. Тухтăрсем ÿтĕн 40 проценчĕ сиенленнине, пиçнин III степеньне çирĕплетнĕ.

Хĕрарăм хăй тĕллĕн пушара сÿнтерме тытăнни паллă, анчах та вут-çулăм ытла та вăйлă пулнă. Çавна пула хĕрарăм хытă суранланнă. Апрель уйăхĕн 7-мĕшĕнче вăл пульницăрах вилсе кайни паллă пулнă.

Автор:Инга Алексеева

Читайте нас

Партнеры