Ял хуçалăх предприятийĕсем 3 млрд тенкĕлĕх субсидисем илме тивĕçнĕ

Пушкăртстанри ял хуçалăх предприятийĕсене 3 млрд та 98 млн тенкĕлех субсидисем уйăрса панă. Пушкăртстан правительствин премьер-министрĕн çумĕ - ял хуçалăх министрĕ Ильшат Фазрахманов эрнесерен иртекен оперативлă канашлура пĕлтернĕ тăрăх, техника тата минераллă удобренисем, тĕш тырă культурисем туянма, сĕт-турăх продукцийĕсем туса кăларакансене сĕт туса илме уйăрнă укçа-тенке пĕтĕмпех ĕçе кĕртнĕ.

Çăмăллăхлă кĕске вăхăта кредит памалли программа шайĕнче Раççейри Ял хуçалăх министерстви, пирĕн республикăна илес пулсан, 9,5 млрд тенкĕлĕх 298 заявка ырланă, заемщиксене 2,6 млрд тенкĕ панă.

Раççей экономикинче йĕркеленекен организацисене пулăшу памалли программăпа килĕшÿллĕн Пушкăртстанри виçĕ предприяти укçа-тенкĕ çаврăнăшне пуянлатма 6 млрд тенкĕлĕх кредит илме тивĕçнĕ. Çав шутра Чишмари çу завочĕ – 1,5 млрд тенкĕ, Маячный поселокĕнчи çу завочĕ – 3,5 млрд тата «Башкир-агроинвест» ООО – 1 млрд тенкĕ.

Çавăн пекех Ильшат Фазрахманов май уйăхĕн 27-мĕшĕнче Кармаскалă районĕнче Сенаж кунĕ иртесси пирки пĕлтернĕ. Çакă выльăх апачĕ хатĕрлемелли кампани çула тухассине пĕлтерет.

Автор: Ирида Матниязова

Читайте нас