«Эпир çĕнтерÿпе таврăнатпăр»,- тет чăваш полковникĕ

- Эпĕ Чишма районĕнче 20 çул пурăнатăп, çакăнтах хĕсметре тăнă. Паян чĕре хушнипе тата çĕршыври лару-тăру ыйтнипе çар тивĕçне пурнăçлама каятăп. Пирĕн хамăрăн çĕршыва, ачасене, тăвансемпе çывăх çынсене хутĕлемелле. Эпĕ сире, хаклă туссем, Тăван çĕршывăн Аслă вăрçи вăхăтĕнче Чишма районĕнчен Пушкăртстанра пурăнакансен 60 проценчĕ фронта тухса кайнине аса илтересшĕн. Эпир вăйлă çынсем, пирĕн çирĕп йала-йĕркесем. Эпир çĕнтерÿпе таврăнатпăр, - тенĕ Владимир Портнов чăваш арĕ вăрăм çула тухас умĕн.

Çавăн пекех вăл хамăрăн ентешсене республикăшăн ырă ĕçсем тума сĕннĕ.

- Чăн малтан районта пурăнакансене пурне те малтанхи пекех тыр-пул çитĕнтерме, ачасене вĕрентме, мĕн пуррине хаклама, упрама сунатăп. Паянхи кун нумай йывăрлăхсем хĕрарăмсен хул пуççийĕ çине тиенеççĕ, çавăнпа та сире ытларах юрату ăшши вăй патăр. Эпир сире яланах хÿтĕлетпĕр, хамăрăн  çĕршыва хÿтĕлетпĕр, - палăртнă Владимир Иванович.

Юрий СНЕГОПАД.