- Çĕнĕ тÿлеве сывлăх сыхлавĕн малтанхи звенинче вăй хуракан медицина ĕçченĕсем, тĕп район, район тата участок больницисенче ĕçлекенсем, станцисемпе васкавлă пулăшу уйрăмĕсенче тăрăшакансем илме пултарĕç. Тÿлев виçи 4,5 -18,5 пин тенкĕпе танлашĕ. Унăн виçи медицина ĕçченĕн категорийĕнчен тата организаци тĕсĕнчен тÿрремĕн килет, - ăнлантарса панă Социаллă фондăн Пушкăртстанри уйрăмĕнче.
Тÿлев операторĕ - Раççейри Социаллă фонд. Укçа-тенке медицина организацийĕсен даннăйĕсене шута илсе куçарĕç. Вĕсем кашни уйăхăн кăтартăвĕсене пăхса тухса тÿлеве тивĕçекен ĕçченсен электронлă реестрне хатĕрлемелле. Реестрта ĕçченĕн хушамачĕпе пĕрле тÿлев виçине те палăртмалла.
- Медицина ĕçченĕсен çĕнĕ тÿлеве тивĕçес тесен нимĕн те тума кирлĕ мар. Укçа-тенке çичĕ ĕç кунĕ хушшинче автомат мелĕпе куçарĕç. Январь уйăхĕшĕн илмелли тÿлеве февраль уйăхĕн вĕçĕнче парĕç. Нухрата медицина организацийĕ панă счет çине куçарса пырĕç, - тенĕ фонд пресс-службинче.