Ял хуçалăхĕнче ĕçлекенсен конкурс-фестивалĕ иртĕ

Пушкăртстанра ял хуçалăх комплексĕнче ĕçлекенсем хăйсен пултарулăхĕсене республикăри «Пушкăртстан çĕрĕ» («Земля Башкортостана») пĕрремĕш конкурс-фестивальте кăтартма пултарĕç. Мероприятие йĕркелекенсем – ПР Ял хуçалăх министерствипе Пушкăрт патшалăх аграри университечĕ. Конкурс Ĕпхÿ хулинчи çамрăксен керменĕнче февраль уйăхĕн 27-28-мĕшĕсенче иртет. Унта ял хуçалăх предприятийĕсенче вăй хуракансем (вĕсен ÿсĕмĕпе професси хатĕрленĕвĕн шайне шута илмеççĕ) хутшăнма пултараççĕ.

Пултарулăх конкурс-фестивалĕ пилĕк номинаципе - вокал, ташă, театр, инструмент тата медиа – иртет. Конкурс ĕçĕсен тематикине хутшăнакансем хăйсем суйласа илĕç.

Конкурса хутшăнма кăмăл тăвакансенчен заявкăсене февраль уйăхĕн 18-мĕшĕччен йышăнаççĕ. Сцена çине тухакансен ăсталăхне сумлă жюри членĕсем хак парĕç. Унăн йышĕнче республикăри паллă искусство тата культура ĕçченĕсем, Пушкăрт патшалăх аграри университетĕнчи Çамрăксен пултарулăх центрĕн ертÿçисем, ПР тава тивĕçлĕ культура ĕçченĕсем пулĕç. Конкурс пĕтĕмлетĕвĕсем тăрăх I, II, III, степень лауреачĕсене палăртĕç, ыттисене конкурса хутшăннăшăн дипломсем парĕç.

Тулли информаци кирлĕ пулсан 8 (919) 332 83 56 номерпе (конкурс координаторĕ) шăнкăравласа пĕлме пулать.

Автор:Надежда Родионова

Читайте нас:

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А

Реклама пайĕ

8-347-86-3-25-44

Редакци

8-347-86-4-22-81

Пĕрле ĕçлени

8-347-86-4-22-81

Кадрсен пайĕ

8-347-86-4-14-73