Регионти Вĕрентÿ министерствинче пĕлтернĕ тăрăх, 2023 çулта федераллă программа витĕмĕпе тата 77 шкул юсама палăртаççĕ. Ăна пурнăçа кĕртме 4,3 млрд тенкĕ тăкаклĕç. 3,6 млрд тенкĕ федераллă, 700 млн тенкĕ республика бюджетĕнчен уйăрнă.
- Республикăна питĕ пысăк, миллиардшар тенкĕ укçа килет. Заявкăсем пуçтарнă, юсамалли объектсене суйланă. Çирĕп сроксене палăртнă. Халĕ муниципаллă контрактсем тăваççĕ. Чи пĕлтерĕшли – пирĕн ачасем çутă классенче вĕренччĕр, - палăртнă ПР Вĕрентÿ тата наука министрĕ Айбулат Хажин.
Министр сăмахĕсем тăрăх, муниципалитет шкула тĕпрен юсакан организацие суйласа илнисĕр пуçне строительство ĕçне асăрхаса тăрассипе килĕшÿ йĕркелет. Ашшĕ-амăшĕсем те юсав ĕçне тĕрĕслеççĕ.
Çакна та хушса хумалла, программа витĕмĕпе шкул çуртне юсанисĕр пуçне кирлĕ оборудовани туянаççĕ, вĕрентекенсен квалификацине ÿçтереççĕ.
ПР Вĕрентÿ тата наука министерстви 2024-2025 çулсенче 186 шкул çуртне юсама ( 14 млрд та 720 млн тенкĕлĕх) заявка тăратнă.
#республикабашкортостан#уралсасси#национальныепроекты#развитиеобразованияреспубликибашкортостан