Пур хыпар та
Новости
9 Нарӑсӑн , 16:57

Тарса çухалнă водительсене епле шыраса тупни паллă

  Пушкăртстанра иртнĕ çул айăплă водитель çул-йĕр çинчи инкек вырăнĕнчен тарнă 333 тĕслĕхе шута илнĕ. Вĕсенчен 257-шне уçса панă. Йĕркене пăснă 76 çын шыравра. Тарса çухалнă водительсем пирки ПР ГИБДД ертÿçи Владимир Севастьянов каласа панă.

Тарса çухалнă водительсене епле шыраса тупни паллă
Тарса çухалнă водительсене епле шыраса тупни паллă

- Тарса çухалнă водительсене  шыраса тупасси малтанхи кунсенче питĕ хастар пырать. Çак ĕçре пире шырав системи лайăх пулăшать. Паянхи кун унпа пин ытла çулçÿрев хăрушсăрлăхĕн патшалăх инспекцийĕн ĕçченĕ усă курать. Çул-йĕрпе патруль службин инспекторĕсем кашни кун РФ ШĔMĕн ĕç-хĕлне информаципе тивĕçтермелли пĕрлĕхлĕ системăпа çыхăнтарнă  мобильлĕ планшетсемпе усă кураççĕ. Асăннă модуль онлайн режимра ĕçлет. Шăпах вăл пулăшнипе айăпа кĕнĕ  водительсене тытса чараççĕ, - пĕлтернĕ ПР ГИБДД ертÿçи Владимир Севастьянов.

Унăн сăмахĕсем тăрăх, тарнă водительсене ытларах Ĕпхÿ (33), Октябрьск (13), Нефтекамск (9) хулисенче шыраса тупайман. Иртнĕ çул республикăра 3532 çул-йĕр инкекĕ шута илнĕ. Вĕсенче 390 çыр пурнăçĕ татăлнă, 4261-шĕ аманнă.

 - Автоаварисен тĕп сăлтавĕ çул юпписенче куçса çÿремелли йĕркесене пăсни (553 çул-йĕр инкекĕ, пĕтĕмĕшле аварисен 15,7%), дистанцие тĕрĕс мар суйласа илни (355), çуран каçмалли вырăнсенче правилăсене пăсни (282), хирĕç çул çине тухни (183) шутланать.  

Çул-йĕр çинчи инкексен шутне машинăсем çапăнни – 1604 тĕслĕх (мĕнпур çул-йĕр инкекĕн 45,4%),  çуран çÿрекенсем çине кĕрсе кайни (958), çаврăнса ÿкни  (225)  кĕрет, - пĕлтернĕ спикер.

 

 

Автор:Надежда Родионова 
Читайте нас в