«Росатом» патшалăх корпорацийĕ Арктика экспедицине пиллĕкмĕш хут йĕркелет. Ăна пăр çĕмрен флотăн 65 çулхи юбилейне халалланă. Тăватă çул хушшинче Арктика экспедицине çĕршыври 300 ытла пултаруллă шкул ачи хутшăннă. 2023 çулта çав шутра Ĕпхÿ хулинчи 86№ гимназинче вĕренекен Полина Пантюшина пулнă. Кăçал пăр çĕмренĕн борчĕ çине Çтерлĕ хулинчи 2№ гимназинче ăс пухакан Алиса Калюжная тата унăн истори учителĕ Лидия Селиверстова хăпарĕç.
Алиса Калюжная «Атомный урок х Ледокол знаний» конкурсăн IV сезонĕнче çĕнтернĕ. Конкурсăн финалĕ Мускав хулинчи ВДНХари «Атом» павильонра иртнĕ. Хĕр ача ăс-тăн вăййинче пысăк балл пухнă, атомлă технологипе наука, ÿнер тата культура темисемпе çыхăннă ыйтусем çине хуравланă. Лидия Селиверстова «Энергия атома: между прошлым и будущим» проектпа мала тухнă.
Вунă куна тăсăлакан çул çÿрев Мурманск – Çурçĕр полюсĕ – Франц-Иосиф Çĕрĕ – Мурманск маршрутпа иртĕ.