«Ачасен çырăвĕсемпе ÿкерчĕкĕсем хавхалантараççĕ»

Станислав Якутире «Газпромра» ĕçленĕ. Ĕç укçи пысăк пулнине пăхмасăр РФ Оборона министерствипе контракт алă пусма шутланă. 26 çулхи арçын оборона ведомствипе килĕшĕве кăçалхи апрель уйăхĕнче çирĕплетнĕ.

 - Çапăçура хăрама вăхăт çук. Мораль тĕлĕшĕнчен те, вăй-халпа та яланах çар тивĕçĕсене пурнăçлама хатĕр пулмалла. Хавшама  юрамасть, мĕншĕн тесен ку йывăр ĕç, - тет «Садык».

Ятарлă çар операцине хутшăнаканăн сăмахĕсем тăрăх, малти ретри салтаксене ачасен çырăвĕсемпе ÿкерчĕкĕсем хавхалантараççĕ. Вĕсем салтаксене ăшă туйăм тата лăпкăлăх парнелеççĕ.