Тивĕçлĕ канури хĕрарăм фронта çĕр улми ăсатнă

Валентина Васильевна Дуслык ялĕнче пурăнать. Иртнĕ канмалли кунсенче вăл çĕр улмийĕн çĕнĕ тухăçне пуçтарса илнĕ. Тăватă миххине ятарлă çар операцинче çар тивĕçне пурнăçлакан ентешсене ярса пама шутланă.

 - Ачасем тăван çĕр çинче ÿснĕ çĕр улмине çиччĕр, сывлăхлă та паттăр пулччăр,  - тет Валентина Иванова.

Айдар Суфиянов сăмахĕсем тăрăх, вăл пĕрмаях  вырăнти «Ырă чĕресем» волонтер клубне пулăшать.

 - Маскировка сечĕсем çыхмалли материалсем туянма пĕрмаях укçа-тенкĕ парать. Хамăр тăрăхри салтаксене Тăван çĕршывăн Аслă вăрçинче çапăçнă ашшĕне тата тылра ĕçленĕ амăшне асăнса пулăшать,  - çырать Айдар Суфиянов хăйĕн телеграм-каналĕнче.