Республикăри тăватă проект «Агротуризм» программăпа федераллă грант илĕç

Пушкăртстан тĕрлĕ проектсене хутшăнма тăрăшать. Çакă региона хушма укçа-тенкĕ явăçтарма, унсăр пуçне республикăри тата вырăнти проектсемпе пĕрле предпринимательсене аталанма, пурнăç пахалăхне лайăхлатма пулăшать. Кун пирки социаллă сетьсенче Пушкăртстан Республикин Пуçлăхĕ Радий Хабиров çырса пĕлтернĕ. Вăл каласа панă тăрăх, Пушкăртстанри тăватă фермер 2025 çулта «Агротуризм» программăпа федераллă грантсем илĕç. Конкурс çĕнтерÿçисене Раççей ял хуçалăх министерствин комиссийĕ палăртнă. Бурай районĕнчи Русалина Шакирова фермерăн «Клевое место», Чишма районĕнчи Дамир Идиятуллин фермер хуçалăх ертÿçин «Йола – башкирские традиции», Гафури районĕнчи Линар Сулеймановăн «Из башкирской глубинки», Баймак районĕнчи Айбулат Ракаевăн «Дорога Канифы» проекчĕсем çĕнтерÿçĕсем шутне кĕнĕ.

Пĕтĕмĕшле илсен, республика представителĕсем 36,7 млн тенкĕ çĕнсе илнĕ. 2023 çулта çак хисеп 22,7 млн тенкĕпе танлашнă. Ун чухне те тăватă проект çĕнтернĕ. Грант конкурсĕн условийĕсем тăрăх, унта ял хуçалăх производителĕсем, пысăк тата пĕчĕк предпринимательство субъекчĕсем, хутшăнма пултараççĕ. Уйрăм хушма хуçалăхсем çав шута кĕмеççĕ. Грант хисепĕ 3 миллионран пуçласа 10 миллиона çитет. Вăл фермер хăй проектне мĕн чухлĕ укçа хывма палăртнинчен килет.

«Агротуризм – питĕ пĕлтерĕшлĕ те малашлăхлă çул-йĕр. Пушкăртстанра республика хăнисемшĕн илемлĕ тумалли ял территорийĕсем сахал мар. Регионăн вăй-хăвачĕ пысăк. Пирĕн фермерсен вара çĕнĕлле шухăшĕсем нумай», - тенĕ Радий Хабиров.

Автор:Надежда Родионова

Читайте нас:

Новости партнеров

Синоптиктарға ышанырғамы, Рәйес бабайғамы?

“Җиде бала үстек әткәй белән...”

О чём говорят немые колонны Уфы

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А