Ултă кунлă ĕç эрни кĕтет

Октябрь уйăхĕн 28 тата ноябрь уйăхĕн 2-мĕшĕсемпе тÿр килекен ĕç эрни ултă куна пырĕ. Çакна  ноябрь уйăхĕн 2-мĕшĕнчи канмалли шăмат куна апрель уйăхĕн 30-мĕшне куçарнипе тунă. Çапла майпа эпир çитес çулта апрель уйăхĕн 28-мĕшĕнчен пуçласа май уйăхĕн 1-мĕшĕччен канăпăр.  Уяв умĕнхи шăмат кун ĕç  кунĕ пĕр сехет кĕскерех пулĕ.

Раççей çыннисем вара Халăхсен пĕрлĕхĕн кунне уявланăран пурпĕрех икĕ кун, ноябрь уйăхĕн 3-4-мĕшĕсенче, вырсарни кунпа тунти кун, канаççĕ.  Халăхсен пĕрлĕхĕн кунĕ – патшалăх уявĕ, ăна Раççейре  çулсерен ноябрь уйăхĕн 4-мĕшĕнче паллă тăваççĕ.