Пушкăртстанра 850 млн тенкĕлĕх агроял никĕслĕç

Республика правительстви проекта пурнăçа кĕртесси пирки килĕшĕве   «Таврос» компанипе Санкт-Петербургри экономика форумĕнче алă пуснă. Унăн хакĕ 850 млн тенкĕпе танлашать. Унта федераллă, регион, вырăнти бюджет тата инвесторсен укçи-тенкисем кĕреççĕ.

ПР Ял хуçалăх министерстви пĕлтернĕ тăрăх, малтанхи тапхăрта 72 тăваткал метрпа танлашакан 100  уйрăм çурт-йĕр хăпартма палăртаççĕ. Çавăн пекех  газ пăрăхĕ, электричество çути, çул-йĕрпе тротуар хывĕç. Агроял проекта «Ял территорийĕсене пĕтĕмĕшле атлантарасси» патшалăх программин витĕмĕпе пурнăçа кĕртĕç.