Пушкăртстанра пурăнакансене хăрушă «незамерзайка» пирки асăрхаттарнă

Асăннă документ пуррипе çуккине Роспотребнадзорăн ятарлă реестрĕнче  тĕрĕслеме пулать. Çав вăхăтрах экспертсем  путвалсенче туса кăларакан шĕвексем сывлăха хăрушлăх кăларса тăратни пирки асăрхаттарнă.

 - Тÿрĕ мар чунлă производительсем хăйсен продукцине наркăмăшлă хатĕрсен списокĕнче тăракан метил спирчĕ те хушма пултараççĕ. Метанол 3 класлă хăрушă япала шутланать. Вăл  нерв тата юн тымарĕсен ĕç-хĕлне сиен кÿрет. Унăн пăсĕсем çын сывлăхне пысăк сиен кÿме пултараççĕ. Наркăмăшланнин тĕп паллисенчен пĕри – куç начар курма пуçлани, - пĕлтернĕ ведомствăра.