Пушкăрт сода компанине Раççейре чи лайăххи тесе йышăннă

Жюри компани туса кăларакан продукци пысăк пахалăхлă пулнине, производствăна çĕнĕлле йĕркеленине, компани регионпа çĕршыв экономикине аталантарас ĕçе пысăк тÿпе хывнине палăртнă.

Пушкăртстанпа Раççейĕн чи лайăх таварĕсем шутне БСКан ултă продукцийĕ кĕнĕ. Çав шутра поливинилхлорид, кальцинированная сода, жидкий кислород, натр едкий, белая сажа, кальций хлористый кĕнĕ.  Асăннă продукци апат-çимĕç содипе пĕрле «XXI ĕмĕрти III пин çуллăхри Пĕтĕм Раççейри маркăна» илме тивĕçнĕ.

 -  Пирĕн продукцие çулсерен экспертсемпе потребительсем пысăк хак панипе мăнаçланатпăр. Çакă эпир тĕрĕс çулпа утнине, хамăр клиентсене пысăк пахалăхлă продукци сĕннине çирĕплетет, - пĕлтерет Пушкăрт сода компанийĕн ĕç тăвакан директорĕ Александр Пименов.

Пушкăрт сода компанийĕ нумай çул хушши Раççейри хими промышленноçĕн лидерĕсенчен пĕри шутланать. Кăçал жюри членĕсем компани туса кăларакан продукци ассортименчĕ анлă пулнине, пахалăх стандарчĕсене  тивĕçнине палăртнă. Çакă, паллах, производство процесне тата çĕнĕ технологие ĕçе кĕртессишĕн ырми-канми тăрăшакан  профессионалсен командин тивĕçĕ шутланать. Конкурс витĕмĕпе «Пахалăх отличникĕ» Хисеп паллине, «Раççей пахалăх лидерĕ» тата «Пахалăх мастерĕ» хисеплĕ ятсене тÿрех 12 ĕçченĕ тивĕçнĕ.