Раççей гражданĕн присягине вун тăватă çултан парĕç

Патшалăх Думин спикерĕ Вячеслав Володин палăртнă тăрăх, Раççее килсе унăн гражданĕсем пулас текенсен асăннă çĕршыв саккунĕсене пурнăçламалла, йăли-йĕркисене, культурине, историне пăхăнмалла.

 «Эпир хушусем кĕртетпĕр. Енчен те пирĕн саккунсене пăхăнмасан патшалăх гражданлăхсăр тăратса хăварма пултарĕ. Çакă тĕплĕн шутласа тунă меслет. Эпир хамăр граждансен ирĕкне пурнăçлатпăр», - палăртнă Вячеслав Володин.

Граждансем присягăра Раççей Федерацийĕн Конституцийĕпе саккунĕсене, унăн гражданĕсен прависемпе ирĕклĕхне пăхăнма, культурине, историйĕпе йăли-йĕркине хисеплеме, çĕршывăн ирĕклĕхĕпе никама пăхăнманлăхне хÿтĕлеме тупа тăваççĕ.