+28 °С
Пӗлӗтлӗ
Новости
25 Нарӑсӑн 2025, 07:21
Кефирти пулă
1 килограмм кирек мĕнле шурă пулă, 700 грамм çĕр улми, 2 стакан кефир, 3 ыхра шăлĕ, 1 чей кашăкĕ терка витĕр кăларнă чĕрĕ имбирь, 1 апат кашăкĕ куркума, тăвар, пăрăç, типĕтнĕ пĕтнĕк (мята) çулçи (пулсан).
Кефирти пулă
Тасатнă пулла пысăк татăксене касăр. Кефира вĕтетнĕ ыхрапа, имбирьпе тата ытти специсемпе хутăштарăр та пулă çине ярса çур сехет лартăр. Çĕр улмине хуппинчен тасатса çурма хатĕр пуличчен шывра тăвар ярса пĕçерĕр, унтан пысăк татăксене касăр. Тип çу сĕрнĕ формăна сийпе çĕр улмипе пулă хурăр, кефир шĕвекне çиелтен ярăр. Çĕр улми сийĕ çиелте пулмалла. Духовкăна 20-30 минута пĕçерме лартăр.
Инга ВАСИЛЬЕВА хатĕрленĕ.
