Çурхи шыва пула çурт сÿтнĕ

Гафури районĕнчи Таишево ялĕнче çурхи шыва пула Зилим юхан шывăн çыранĕсем ишĕлме пуçланă. Имендяш ял Канашĕн пуçлăхĕ Ахнаф Нугайгулов сăмахĕсем тăрăх, ĕнер ял çыннисем хăрушă вырăнта ларакан çурта сÿтнĕ. Зилим юхан шывĕ Таишево ялне икĕ енчен хупăрласа икĕ çулпа юхса выртать.

- Кăçал юхан шывăн пĕр çулĕ çинче пăр капланса ларчĕ, çавна май юхăм хăвăртланчĕ. Çынсем шыв хумĕсем çырма хĕрринче ларакан çуртсене илсе каясран шикленеççĕ. Ĕнер ял çыннисем пĕр çурта сÿтрĕç. Кирлĕ пулсан паян татах субботник ирттерĕпĕр, - тенĕ ял Канаш пуçлăхĕ.

Автор:Надежда Родионова

Читайте нас: