Вăл тренер çеç мар – ачасен наставникĕ те

ПР Патшалăх Пухăвĕн-Курултайĕн Тав çырăвне тивĕçнисенчен пĕри  - Благовещенск районĕнчи Ачасемпе çамрăксен спорт шкулĕн методисчĕ, спорт аэробикин тренерĕ Людмила Гильданова (Ефремова).

 Людмила Владимировна  Мияки районне кĕрекен Тимеш ялĕнче çуралса ÿснĕ. Вырăнти шкула ăнăçлă пĕтернĕ хыççăн тăрăшуллă хĕр ача Благовещенск хулинчи педагогика колледжне вĕренме кĕрсе физкультура учителĕн специальноçне алла илнĕ, аслă шкул пĕтернĕ. Çемьеллĕ, мăшăрĕпе иккĕшĕ виçĕ ачана воспитани парса ÿстереççĕ.

  Аслă категориллĕ тренер-преподаватель  ачасене спорт пĕлĕвĕ парас ĕçре пысăк çитĕнÿсем тăвать. Вăл тăрăшнипе унăн воспитанникĕсем районпа хула, республикăпа Раççей шайĕнчи спорт ăмăртăвĕсене хутшăнса малти вырăнсене çĕнсе илеççĕ. Людмила Владимировна – тренер анчах мар, ачасен наставникĕ те. Вăл пур  ачапа пĕр чĕлхе тупма пĕлет. Вĕсен  пултарулăхĕсене аталантарса спорта юратма, лартнă тĕллевсене пурнăçлама, дисциплинăллă пулма хăнăхтарать. Тренер ĕçĕсĕр пуçне спорт шкулĕн обществăлла пурнăçне хастар хутшăнать, спорт аэробикин иккĕмĕш категориллĕ судйи шутланать, сывлăхлă пурнăç йеркине пропагандăлать. Ăна ĕçтешĕсем те, воспитанникĕсемпе ашшĕ-амăшĕсем те юратаççĕ, хисеплеççĕ. Людмила Владимировнăна тивĕçлĕ наградăна илнĕ ятпа чунтан саламласа çĕнĕ çитĕнÿсем тума сунатпăр.