+28 °С
Пӗлӗтлӗ
Новости
30 Апрелӗн 2025, 07:00
Елизавета Русаковапа Анастасия Федорова – «Тукай кĕввисем-2025» çĕнтерÿçисем
Апрель уйăхĕн вĕçĕнче «Нур» Ĕпхÿ патшалăх тутар театрĕнче пĕтĕмĕшле тата хушма пĕлÿ паракан вĕрентÿ учрежденийĕсенче пĕлÿ илекен 1-11 класс ачисем, професси пĕлĕвĕ паракан вĕрентÿ заведенийĕсемпе аслă шкулсенче вĕренекенсем хушшинче XIII «Тукай моннары-2025» («Тукаевские напевы-2025») Пĕтĕм Раççейри вулав конкурсĕ иртрĕ.
Елизавета Русаковапа Анастасия Федорова – «Тукай кĕввисем-2025» çĕнтерÿçисем
Федоровка тăрăхĕнчи Ашкатар шкулĕнчен асăннă мероприятие 9-мĕш класра вĕренекен Елизавета Русаковапа Анастасия Федорова хутшăнчĕç. Вĕсем Габдулла Тукайăн Валерий Туркай чăвашла куçарнă сăввине вуласа I тата II дипломĕсене çĕнсе илчĕç.
Татьяна ВАЛЬЩИКОВА, тăван чĕлхепе литература вĕрентекенĕ.
Федоровка районĕ,
Ашкатар ялĕ.
