Беларусь Республикипе тата та ытларах ĕçлĕ çыхăнусем йĕркелĕç

Пушкăртстан Беларусь Республикинчи ял хуçалăх техники кăларакан предприятисемпе ĕçлĕ çыхăнусем йĕркелессине ÿстерме палăртать. Кун пирки Беларуссинче иртнĕ агропромышленность эрнинче регионăн вице-премьерĕ - ПР ял хуçалăх министрĕ Ильшат Фазрахманов пĕлтернĕ.

- 2025 çулхи март уйăхĕнче «Агрокомплекс-2025» тĕнче шайĕнчи выставка витĕмĕпе «Гомсельмаш» компанипе килĕшÿ тунă. Ун тăрăх Пушкăртстан аграрийĕсене туса кăларакан пур техникăна туянма 10 % çăмăллăхпа тивĕçтерĕç. Çавăн пекех 2023 çулта Пушкăртстанра «Амкодор-Агидель» производство цехĕ уçăлнă. Унта тыр-пула упрамалли силоссем (тимĕр чансем), тырă типĕтмелли, тиесе ямалли оборудованисем туса кăларассине хута янă», - тенĕ Ильшат Фазрахманов.

Автор:Надежда Родионова

Читайте нас

Партнеры