Социаллă хÿтлĕхсĕр çемьесене «ăслă» хыпарçăсемпе тивĕçтерĕç

Пушкăртстанра Радий Хабировăн хушăвĕпе социаллă хÿтлĕхсĕр юлнă ачаллă çемьесене GSM-модульлĕ пушар тухнине систерекен приборсемпе тивĕçтерме пуçланă. Кун пирки правительствăн оперативлă канашлăвĕнче ПР Инкеклĕ лару-тăру патшалăх комитечĕн председателĕ Кирилл Первов пĕлтернĕ.

Эксперимент шайĕнчи проекта Авăркас, Бирск, Благовещенск, Давлекан, Караидель, Мишкин тата Ĕпхÿ районĕсем хутшăннă.

«Ăслă» пĕчĕк сиренăсем тÿрех тăватă адреспа - опека органĕсене, тăванĕсене, васкавлă службăсене тата ял Канашне – сингнал яраççĕ. Маларах ун йышши хатĕрсене инвалидсем пур çемьесене тата ятарлă çар операцийĕн участникĕсен çемйисене панă. Халĕ çак списока социаллă службăсем енчен пысăк тимлĕх кирлĕ çемьесем те лекнĕ.

Автор:Надежда Родионова

Читайте нас

Партнеры