2026 çулхи декабрь уйăхĕн 31-мĕшĕ канмалли кун пулĕ-ши?

Петербургри Пĕтĕм тĕнчери экономика форумĕнче Раççейри ĕç министрĕ Антон Котяков 2026 çулхи декабрь уйăхĕн 31-мĕшне канмалли кун тума шантарнă.

Ведомство ертÿçин сăмахĕсем тăрăх, Ĕç министерствинче производство календарьне йĕркеленĕ вăхăтра çулталăкăн юлашки кунне канмалли кун тăвассине шута илĕç. Çапла майпа Раççей çыннисем праçнике хатĕрленме пултарĕç.

- 2025 çулхи декабрь уйăхĕн 31-мĕшĕ канмалли кун пулĕ. 2026 çулта та çапла тума тăрăшăпăр, - тенĕ Антон Котяков.