Шкул ачи мошенниксене 4 млн тенкĕ куçарса панă

Ĕпхÿ хулинчи пĕр çемье мошенниксене пула 4 млн тенкĕсĕр тăрса юлнă. 36 çулхи арçын полицие унăн ывăлне, 8 класра вĕренекен шкул ачине, аферистсем улталани пирки пĕлтернĕ. Усал шухăшлă çынсем арçын ачапа мессенджер урлă паллашнă, хăйсемпе Тĕп Банк, Росфинмониторинг тата медицина учрежденийĕн ĕçченĕсем тесе пĕлтернĕ.

«Медицина тĕрĕслевĕ» тата «укçасене чикĕ леш енне куçарасран хÿтĕлесси» сăлтавсем тупса ăна темиçе банк операцийĕ тутарнă. РФ Шалти ĕçсен министерствин Пушкăртстанри управленийĕ пĕлтернĕ тăрăх, тăкак 4 миллион тенкĕпе танлашнă.

Автор:Надежда Родионова

Читайте нас

Партнеры