Федераци Канашĕ «Студентсен çемйи çинчен» саккуна ырланă

Студентсен çемйисене пулăшмалли стандарта хатĕрленĕ те ĕнтĕ. Федераци Канашĕн ларăвĕнче «Студентсен çемйи çинчен» саккуна ырласа йышăннă. Кун пирки Федераци Канашĕн Наука, ăслăлăх тата культура комитечĕн председателĕ Лилия Гумерова хăйĕн телеграм-каналĕнче пĕлтернĕ.

«Ăна сÿтсе явнă чухне пĕлтерĕшлĕ саккуна «Студентсен çемйи» ăнлава çирĕплетессишĕн сăмах каларăм. Çакă Раççейри аслă шкулсенче вĕренекен студентсен çемйисене пулăшма май парĕ», - ăнлантарса панă Лилия Гумерова.

Ун сăмахĕсем тăрăх, профильлĕ ведомствăпа пĕрле студентсен çемйисене пулăшмалли стандартсене хатĕрленĕ. Çак шута общежитисенче уйрăм пÿлĕмсем уйăрасси те, тÿлевлĕ вĕрентÿрен тÿлевсĕррине куçарасси те, амăшĕпе ачин пÿлĕмне (унта ачасене асăрхаса тăракансем пулĕç) тăвасси те кĕрет.

Автор:Надежда Родионова

Читайте нас

Партнеры