Пушкăртстан пылне мĕнле упрамалла?

«Шульган-Таш» заповедникăн ĕçченĕсем социаллă сетьсенче пушкăрт пылне епле упрамалли çинчен каласа панă. Вĕсен сăмахĕсем тăрах, турттарнă чух пыла пластик контейнера яма пулать. Анчах та вырăна çитсессĕн ăна урăх савăта куçармалла.

Специалистсем пыла +10 +20 градус температурăра тĕттĕм, сулхăн вырăнта упрама сĕнеççĕ. Ун валли лайăх хупăнакан кĕленче е керамика савăтпа усă курма юрать. Пыл хĕртсе пăхакан хĕвел пайăркисене юратмасть, тĕрлĕ шăрша хăй çине хăвăрт туртса илет. Çавăн пекех ăна тимĕр хупкăчпа та витмелле мар. Çак условисене пăхăнсан пыл хăйĕн пахалăхне 10-шар çул çухатмасть.

Автор:Надежда Родионова

Читайте нас

Партнеры