Пушкăртстанри казаксем Мускаври Çĕнтерÿ парадне хутшăнĕç

Пушкăртстан территорийĕнче 333 казак пурăнать. Вĕсем Эрĕнпурти çар пĕрлĕхĕн йышне кĕреççĕ. Çакăн пирки ПР Пуçлăхĕпе Радий Хабировпа тĕл пулнă вăхăтра пĕрлĕхĕн атаманĕ Игорь Цыганов пĕлтернĕ.

Регионти казаксен шутĕнче СВО паттăрĕсем тата гуманитари пĕлтерĕшлĕ ĕçсене хăйсен ирĕкĕпе хутшăнакансем пур. Çавăн пекех вĕсем Çĕнтерÿ кунĕ тĕлне йĕркеленĕ парадсене хутшăнаççĕ.

Регион ертÿçи калаçу вăхăтĕнче атамана тренировкăсемпе репетицисене Максим Серафимов ячĕллĕ «Патриот» паркăн лапамĕнче йĕркелеме сĕннĕ. Мĕншĕн тесен Раççей Президенчĕ çумĕнчи профильлĕ Канаш сĕнĕвĕпе пĕрлĕхĕн подразделенийĕ 2026 çулта Хĕрлĕ площадьри Çĕнтерÿ парадне хутшăнĕ.

Автор:Ирида Матниязова

Читайте нас

Партнеры