Кистенлĕ ял çыннисем çĕнтерĕве çывхартма пулăшаççĕ

«Çутă çул" хаçат сайчĕ пĕлтернĕ тăрăх, ятарлă ҫар операцийĕ пуҫланнăранпа ҫĕршывĕпех пиншер ырă чĕреллĕ çын май пур таран салтаксене пулăшать. Пĕрисем гуманитарлă пулăшу пухаççĕ, теприсем маскировка сечĕсем çыхас ăсталăха алла илнĕ. Çынсем пушă вăхăт тупăнсанах пулăшу йĕркелемелли пунктсене васкаççĕ.

Пишпÿлек районĕнчи Кистенлĕ ялĕнчи ырă чĕреллĕ хĕрарăмсем кашни кун салтаксем валли маскировка сечĕсем çыхма пуçтарăнаҫҫĕ. Вĕсем ҫак хÿтлĕх салтаксене дронсен вичкĕн «куҫĕсенчен» хÿтĕлеме, пурнăҫĕсене сыхласа хăварма пулăшнине лайăх ăнланаççĕ.