«Шкула пуçтарăнма пулăш» акципе 16 млн тенкĕ пуçтарнă

Ыркăмăллăх кунĕ умĕн ПР çемье, ĕç, халăха социаллă хÿтлĕх паракан министерствăн пуçлăхĕ Ленара Иванова çулсерен иртекен ыркăмăллăх акцине пĕтĕмлетнĕ. Вăл кăçал 15,8 млн тенкĕ укçа пуçтарăннине (иртнĕ çулхинчен 14% нумайрах) пĕлтернĕ. Ырă кăмăллă çынсен пулăшăвне 10 295 ача, çав шутра ятарлă çар операци участникĕсен çемйисенчи 1882 ача, илнĕ.

«Ачасем шкула потрфельпе тата шкул хатĕрĕсемпе çеç мар, пурнăçри чи хаклă урока - ыттисене пулăшассине – ăша хыврĕç. Çавăн пекех вĕсем ырă ырăпа таврăннине те лайăх ăнланчĕç. Хăçан та пулсан хăйсем те юнашаррисене пулăшма, тус-юлташĕсене е пачах та палламан çынсене ырă тума пултарĕç», - çырнă Ленара Иванова хăйĕн социаллă сечĕсенче.

Пурĕ акцие 1503 ырă кăмăллă çынпа организаци хутшăннă. Ачасене тимлĕх уйăрас ĕмĕтпе 506 организаципе 997 уйрăм çын пĕрлешнĕ.

Çакна та каласа хăвармалла, «Шкула пуçтарăнма пулăш» акци Пушкăртстанра 15-мĕш хут иртет.

Автор:Надежда Родионова

Читайте нас

Партнеры