Пушкăртстанра алкоголизмпа наркомани ыйтăвĕсемпе ĕçлекен хĕрÿ лини иртĕ

Сентябрь уйăхĕн 11-12-мĕшĕсенче Пĕтĕм  Раççейри урăлăх кунĕ тĕлне Пушкăртстанра эрех-сăра тата наркотиксемпе усă курассипе çыхăннă ыйтусемпе ĕçлекен хĕрÿ лини иртĕ. Кун пирки ПР çемье, ĕç тата социаллă хÿтлĕх министрĕ Ленара Иванова хăйĕн телеграм-каналĕнче пĕлтернĕ.  Киревсĕр йăласене пула пăшăрханупа  шикленÿ туйăмĕ ярса илнĕ, пурнăçри йывăр лару-тăруран хăтăлмалли тĕрлĕ мелсем шыракан тăванĕсем пур çынсен ыйтăвĕсем çине специалистсен команди хуравлĕ. Çак кунсенче нарколог, психолог, психотерапевт, юрист, çемье медиаторĕ – çынсен хушшинчи çыхăнăва йĕркелемелли меслетсене пĕлекен специалист, ĕçлĕç. Анонимлă, тÿлевсĕр хĕрÿ телефон 8-800-347-5000 икӗ кун хушши 14.00 сехетрен пуҫласа 16.00 сехетчен ӗҫлӗ. «Туссем, ан хупăнăр, инкекĕре хăвăрта ан пытарăр. Лару-тăрăва лайăх енне пĕр телефон шăнкăравĕ те улăштарма пултарать. Эпир пĕрле  пурне те пултаратпăр!», - çырнă Ленара Иванова.   Эрех-сăрапа тата наркотикпа çыхăннă чирсенчен асăрхаттарма тата сиплеме пулăшакан çакăн йышши мероприятисем 2021 çултанпа иртеççĕ.

Пушкăртстанра алкоголизмпа наркомани ыйтăвĕсемпе ĕçлекен хĕрÿ лини иртĕ