Пушкăртстанра Нумай ачаллă çемье кунне çирĕплетме сĕнеççĕ

Ăна декабрь уйăхĕн 21-мĕшĕнче уявлама палăртаççĕ. Паллă датăна çирĕплетессипе çыхăннă саккун проектне ПР Патшалăх Пухăвĕн - Курултайĕн депутачĕсем çывăх вăхăтра иртекен ларура пăхса тухĕç.

Парламент спикерĕн Константин Толкачевăн сăмахĕсем тăрăх, çак куна палăртассине декабрь уйăхĕн 21-мĕшне суйласа илни çулталăк вĕçĕнче «Çемье çулталăкĕ» Пĕтĕм Раççейри проект тата ытти çемье конкурсĕсен çĕнтерÿçисемпе парнеллĕ вырăнсене çĕнсе илнисене чысланипе çыхăннă.

Çавăн пекех раштав уйăхĕ Çĕнĕ çул уявĕсем çывхарнипе çемьепе пĕрле пулмалли вăхăт тата çемье вучахĕн паллисене аса илтерет.

«Нумай ачаллă çемье кунне паллă тума йышăнни çемье институтне çирĕплетме, йăлана кĕнĕ çемье хаклăхĕсене упраса хăварма тата нумай ача çуратса ÿстерессине пропагандăлама пулăшĕ», - тенĕ Константин Толкачев.

Автор:Надежда Родионова

Читайте нас

Партнеры