Владимир Путин «земство» программисенче ÿсĕм чиккисене пăрахăçлама хушнă

Правительствăпа пĕрле ирттернĕ канашлăвăн пĕтĕмлетĕвĕсем тăрăх, çĕршыв пуçлăхĕ ÿсĕм чиккисене пăрахăçлама хушнă. Малашне ял тăрăхне ĕçлеме куçакан специалистсене пулăшу паракан программăна аслă шкул тата професси пĕлĕвĕ илнĕ, программа ыйтнине тивĕçтерекен ял-салара пурăнакан Раççей çыннисем хутшăнма пултараççĕ.  

Правительствăна «земство» программисене хутшăнмалли документсене йĕркелессине çăмăллатма, çавăн пекех «Раççейри ĕç» тата Патшалăх пулăшăвĕсен пĕрлĕхлĕ порталĕ урлă специалистсене шырамалли тата суйламалли электронлă формат хатĕрлеме сĕннĕ.