+28 °С
Облачно
Новости
23 Сентября 2025, 10:00
Нумай ачаллă çемье килсĕр тăрса юлнă
РФ Инкеклĕ ĕçсен министерствин Пушкăртстанри уйрăмĕн Тĕп управленийĕ пĕлтернĕ тăрăх, ĕнер ирпе Пелепей хулинче нумай ачаллă çемье пурăннă çурт çунса кайнă.
Нумай ачаллă çемье килсĕр тăрса юлнă
Пушар Речная урамĕнчи çуртра тухнă. Хĕрарăм хыттăн çатăртатакан сасăпа вăранса кайнă та пÿлĕм тĕтĕм ăшĕнче пулнине асăрханă. Вăл ачисене вăратнă та пурте пĕрле çунакан çуртран чÿрече витĕр тухнă.
«Телее, нихăшĕ те суранланман. Пушара сÿнтернĕ. Нумай ачаллă çемье вăхăтлăха тăванĕсем патĕнче вырнаçнă», - тенĕ хăтаруçăсем.
Вырăнта РФ Инкеклĕ ĕçсен министерствин дознавателĕсем ĕçлеççĕ, пушар сăлтавне уçăмлатаççĕ. Пулма пултаракан сăлтавсенчен пĕри – кĕске замыкани.
