+28 °С
Пӗлӗтлӗ
Новости
23 Сентябрӗн 2025, 13:00
Пушкăртстанри сакăр библиотекăпа культура центрĕ федераллă грантсем илĕç
РФ Культура министерстви ача-пăча культурăпа çут ĕç центрĕсене йĕркелеме федераллă бюджетран субсиди пама тăратнă заявкăсене пăхса тухнă. Çĕршыв хыснинчен «Çемье хаклăхĕсемпе культура инфраструктури» федераллă проектăн «Çемье» наци проекчĕн витĕмĕпе 1,14 млрд тенкĕ уйăрĕç. Малтанлăха Культура министерстви Раççей Федерацийĕн 79 субъектĕнчен килнĕ 303 заявка суйласа илнĕ.
Пушкăртстанри сакăр библиотекăпа культура центрĕ федераллă грантсем илĕç
Пушкăртстан суйласа илнĕ заявкăсен шучĕпе малтисенчен пĕри пулса тăнă. Республикăра тÿрех сакăр учреждение – Ишимбайри тĕп хула библиотекине, Ĕпхÿ районĕнчи Николаевка ялĕнчи 7№ ача-пăча библиотекине, Ĕпхÿ хулинчи Ш.А. Худайбердин ячĕллĕ хулари тĕп ача-пăча библиотекине, Мишкино ялĕнчи модельлĕ ача-пăча библиотекине, Октябрьский хулинчи 1№ библиотекăна, Заки-Валиди ячĕллĕ наци библиотекине, Сибайри хула культура çуртне, Ĕпхÿри ача-пăча библиотекине – çĕнетĕç. Пĕр центра 3,8 млн тенкĕ уйăрĕç.
