Пушкăртстанра 2025 çулта 762 нумай хваттерлĕ çурт юсĕç

Республикăра 2025 çулта 762 нумай хваттерлĕ çурт юсĕç, вĕсенче 128 пин çын пурăнать. Çак ĕçе пурнăçлама 6,7 млрд тенкĕ ярĕç. Çурт-йĕр хуçисен тĕп юсавшăн хывмалли тÿлев парăмĕ 1,6 млн тенкĕпе танлашать. Даннăйсене Пушкăртстан Республикинчи тĕп федераллă инспектор федераллă тата регионти ведомствăсен ертÿçисемпе ирттернĕ канашлура пĕлтернĕ.

Планпа палăртнă тăрăх, çурт тăррисене, умĕсене юсĕç, шывпа тивĕçтермелли пăрăхсене, вентиляци системисене çĕнетĕç, кивĕ лифтсене улăштарĕç.

Пушкăртстанра нумай хваттерлĕ çуртсене юсама хывакан тÿлев укçи пĕр тăваткал метршăн 13 тенкĕ те 20 пус тăрать.

2014 çултанпа Пушкăртстанра 8 пин нумай хваттерлĕ çуртра юсав ĕçĕ ирттернĕ. Вĕсенче 1,324 млн çын пурăнать. 2055 çул тĕлне 17 пин нумай хваттерлĕ çурта юсама палăртнă. Апла пулсан юсав ĕçĕн çуррине вĕçленĕ.

Автор:Надежда Родионова

Читайте нас

Партнеры