Ĕпхÿ хулинчи 11 çулхи хĕр ачана тивĕçлĕ ĕçсемшĕн медальпе чысланă

Ĕпхÿ хула администрацийĕн пуçлăхĕ Ратмир Мавлиев Хăйсен ирĕкĕпе ырă ĕçсем тăвакансен кунĕ умĕн çамрăк Полина Дудкона тава тивĕçлĕ ĕçсемшĕн медаль парса чысланă.

Хĕр ача хăй ирĕкĕпе ырă ĕçсем тăвас ĕçе хастар хутшăнать, СВО участникĕсене пулăшмалли центр йĕркеленĕ, хăй аллипе маскировка сечĕсем çыхать, окоп çуртисем хатĕрлет, кирлĕ материалсем туянма укçа-тенкĕ пуçтарать.

Нумаях пулмасть Полина кукамăшĕпе ятарлă çар операци зонинчи ирĕке кăларнă территорисенче пулнă. Вăл çар çыннисем хăйне ярса паракан сăвăсене вулать, видео ÿкерсе социаллă сетьсене вырнаçтарать.

Автор: Надежда Родионова

Читайте нас