Декабрь уйăхĕн 9-мĕшĕ – çĕршыв Геройĕсене чысламалли кун

Кашни çулах декабрь уйăхĕн 9-мĕшĕнче Раççейре Çĕршыв Геройĕсен кунне паллă тăватпăр. Çак кун Совет Союзĕн, Раççей Федерацийĕн Геройĕсене, Мухтав тата Çĕнтерÿллĕ Таса Георги орденĕсен кавалерĕсене чыслаççĕ. Ăна Раççей Федерацийĕн Президенчĕ 2007-мĕш çулхи февраль уйăхĕн 28-мĕшĕнче хушу кăларса çирĕплетнĕ.

«Пушкăртстан – паттăрсен çĕршывĕ. Чунĕпе вăйлă, час-часах хăйсен пурнăçĕсене шеллемесĕр пирĕн çĕре тăшмансенчен сыхлакан салтаксен çĕршывĕ. Истори тăршшĕпе çапла пулнă, халĕ те çаплах пулса пырать.

Çĕршыв Геройĕсен кунĕнче хамăр ентешсен, ятарлă çар операцийĕнче паттăрлăх кăтартса сумлă ят çĕнсе илнĕ Раççей Геройĕсен мухтавлă ĕçĕсене аса илме сĕнетĕп. Пурин умĕнче те пуç таятпăр», - тенĕ çак куна халалласа ПР Пуçлăхĕ Радий Хабиров хăйĕн телеграм-каналĕнче.