СВОра вилнĕ салтакăн ывăлĕ малти рете мотоцикл панă

Район администрацийĕн пуçлăхĕ пĕлтернĕ тăрăх, мотоцикла ятарлă çар операци зонине, Запорожьене, ашшĕн юлташĕ, «Пионер» хушма ятлă çар çынни илсе кайнă.

Олег Маленков старшина СВО зонинче 2022 çулхи август уйăхĕнче пуç хунă. Унта вăл  контракт алă пусса хăй ирĕкĕпе кайнă. Вăл маларах та контрактпа служба иртнĕ, Абхазинче, Грузинче, Югославире, Таджикистанра , Чечен Республикинче çар командировкисенче пулнă. Командировкăсенчен пĕринче 2002 çулта ятарлă çар операцине пурнăçланă чух вĕсен ушкăнĕ засадăна лекнă, Олег йывăр аманнă, ун хыççăн тĕлĕнмелле майпа сывă юлнă.

Олег Маленкова наградăсем илме тăратнă. Виççĕмĕш Паттăрлăх орденне вилнĕ хыççăн Раççей Геройĕ А.Достовалов ячĕллĕ Атăлçи Федераллă округри Пушкăрт кадет корпусĕн кадечĕ Павел илнĕ.