Хир чăххисем ял варринче апат шырама хăнăхнă

Краснокамск районĕнчи Уртауловăра хир чăххисем апат шыраса ял варринех килеççĕ. Кайăк картине вырăнти «Сунарçăсемпе пулăçăсен пĕрлĕхĕн» председателĕ Альберт Шарипов ÿкерсе илнĕ.

ПР Экологи министерствин пресс-секретарĕ Ренара Газина пĕлтернĕ тăрăх, кайăк-кĕшĕкĕн кун пек хăтланăвне хĕлле ăнланмалла. Хĕллехи сивĕ вăхăтра вĕсен тĕп рационĕ – юр айĕнчен чаваласа кăларакан ÿсен-тăран вăррисем. Юр нумай пулсан çунатлă туссене апат тупма йывăр тата хăрушă. Çавăнпа та хир чăххисем час-часах çынсем тасатнă çул хĕррисемпе сукмаксем çине тухаççĕ. Унта юр сахалрах, апат тупма та çăмăлрах.

Автор: Надежда Родионова

Читайте нас