Йывăр лару-тăрăва лекнĕ çемьесем япаласемпе тÿлевсĕр усă кураççĕ

Пушкăртстанра «Çемье» наци проекчĕн шайĕнче социаллă пулăшу – йывăр лару-тăрăва лекнĕ çемьесем валли таварсене проката тÿлевсĕр параççĕ. ПР Ĕç министерстви пĕлтернĕ тăрăх, 2025 çулта «Çемье» центрĕсенчи прокат пункчĕсене 317 çемье пынă, 2023 çултанпа пурĕ 1 340 çемье пулăшу илнĕ.

Чи паллă таварсем – ача-пăча таварĕсем (краватьсем, чĕркемелли комодсем, ваннăсем, кÿмесем, автокреслăсемпе автосăпкасем, апатлантармалли пукансем, ходункисем, çунашкасем, велосипедсем тата ыт те.) тата çурт-йĕр юсамалли инструментсемпе (лобзик, шуруповерт, перфоратор) кил хуçалăхра усă курмалли техника (культиватор).

Автор:Надежда Родионова

Читайте нас

Партнеры