Тилĕ пÿрт тăррине хăпарса çывăрнă

Абзелил районĕнчи Бурангулово ялĕнче пурăнакан хĕрарăм халиччен пулман лару-тăрупа тĕл пулнă: унăн картишне тилĕ кĕнĕ. Видеокамера çинче чее чĕр чун хăйне хуçа пек тытни курăнать. Вăл пÿрт тăррине хăпарнă та хĕвел пайăркисемпе киленсе çывăрса кайнă.

Вырăнти хĕрарăмсем каласа панă тăрăх, тилĕсем ялта час-часах курăнаççĕ. Телее, хальлĕхе килти чĕр чунсене тапăннă тĕслĕхсем пулман-ха. Анчах ял çыннисем шкула çÿрекен ачасен хăрушсăрлăхĕшĕн пăшăрханаççĕ.

- Ĕнер тилĕ пирĕн склад тăрринче ларатчĕ. Паян кÿршĕ çурт тăррине хăпарса кайнă. Нумаях пулмасть тискер чĕр чунсенчен пĕрне йытăсем çурса тăкнă.

Автор:Надежда Родионова

Читайте нас

Партнеры