Пушкăртстанра водитель юпа çине тăрăнса машинине çĕмĕрнĕ

РФ Инкеклĕ ĕçсен министерствин ПР Патшалăх комитечĕ пĕлтернĕ тăрăх, иртнĕ каç Сибай хулинче çул-йĕр инкекĕ пулса иртнĕ. Автомобиль водителĕ машинине «итлеттереймесĕр», электричество юпи çине пырса çапăннă.

Машина хуçи шар курман. Инкек пулнă вырăна васкавлăн патшалăх комитечĕн çăлавçисем çитнĕ. Вĕсем автомобиль аккумуляторне сÿнтернĕ.

Редакцирен: Çул-йĕр инкекĕ сиксе тухсан РФ Шалти ĕçсен министерствин Пушкăртстанри уйрăмĕн шанăç телефон 8(347)279-32-92 номерĕпе шăнкăравлама пулать.