Наркотиксемпе суту-илÿ тунăшăн 20 çула тĕрмене хупĕç

РФ Шалти ĕçсен министерствин линейлă управленийĕнче пĕлтернĕ тăрăх, транспорт полицейскийĕсем наркотик хатĕрĕсене вăрттăн вырăна хурса çÿрекен курьера тытса чарнă. Çамрăк çын укçа ĕçлесе илес, кредит парăмĕсене татас шухăшпа саккуна хирĕçле ĕçсем тума пуçланă – республика тăрăх вăрттăн вырăнсене наркотиксем хурса çÿренĕ.

Саккуна пăсакан ку енĕпе ятарлă пĕлÿ илнĕ, Ĕпхÿ хулине пурăнма куçнă, çурт-йĕр тара илсе салатма валли наркотиксене пĕчĕк хутаçсем çине пайласа тухнă.

Айăпланакана транспорт полицийĕн ĕçченĕсем «Дема-Ĕпхÿ» чугун çул çинче тытса чарнă. Ун çумĕнче темиçе тĕрке наркотик тытăмлă хăрушă япала – N-метилэфедрон - пулнă.

Çамрăк çынна судпа айăплĕç. Ăна 20 çула ирĕксĕр хăварма пултараççĕ.

Автор: Надежда Родионова

Читайте нас