Ссылкăпа куçса 20 пин тенкине çухатнă

Пушкăртстанри Шалти ĕçсен министерствин пресс-служби Давлекан районĕнче пурăнакан 56 çулхи хĕрарăма мошенниксем улталани çинчен пĕлтернĕ. Хĕрарăм мессенджерта «Питĕ хăрушă çул-йĕр инкекĕ пулса иртнĕ, пăхса ил, тен, кама та пулин паллăн?» тесе çырнă текст вуланă. Сcылкăпа куçсан унăн телефонĕ начар ĕçлеме тытăннă, счетран 20 пин тенкĕ укçи çухалнă.

Малтан пĕлнĕ тăрăх, ссылкăна уçнă май хĕрарăм телефонĕ çине сиенлĕ приложени вырнаçтарнă, усал шухăшлă çын унăн мобильлĕ телефонне инçетрен кĕме ирĕк илнĕ. Çапла майпа 20 пин укçине вăрланă.

Автор: Инга Алексеева

Читайте нас