Пушкăртстанра пушар ватă çыннăн пурнăçне татнă

РФ Инкеклĕ лару-тăру министерствин Пушкăртстанри уйрăмĕ пĕлтернĕ тăрăх, февраль уйăхĕн 23-мĕшĕнче, çĕрле, Çтерлĕ хулинче Ленин проспектĕнчи пилĕк хутлă çуртăн иккĕмĕш хутĕнчи пÿлĕмĕсенчен пĕринче килти пурлăх çунма пуçланă. РФ Инкеклĕ лару-тăру министерствин ĕçченĕсем уçă çулăма сÿнтернĕ, ватă арçынна çăлнă. Пиçсе кайнипе ăна вырăнти больницăн реанимаци уйрăмне çитернĕ. Пĕр талăк иртсен арçын вилсе кайнă.

Хальхи вăхăтра пушар сăлтавĕсене тата пулса иртнĕ ĕç-пуçа уçăмлатаççĕ.

Канмалли уяв кунĕсенче республикăра пушарсенче тăватă çын пурнăçĕ татăлнă, пиллĕкĕшĕ тĕрлĕ шайра суранланнă. Çулталăк пуçланнăранпа регионта пурĕ 654 пушар тухнă, вĕсенче 31 çын вилнĕ, 27-шĕ суранланнă.

Пирĕн MАХри канал - https://max.ru/ursassi.

Автор:Надежда Родионова

Читайте нас

Новости партнеров