Республикăри параспортсменсем пĕтĕм тĕнчери ăмăртусенче 10 медаль çĕнсе илнĕ

Пушкăртстанри Адаптивлă спорт центрĕн воспитанникĕсем Раççейĕн пĕрлешÿллĕ команди йышĕнче Беларуçра ишес енĕпе ирттернĕ пĕтĕм тĕнчери ăмăртура лайăх кăтартусемпе палăрнă. Кун пирки ПР вице-премьерĕ – спорт министрĕ Руслан Хабибов каласа панă.

Акă, сăмахран, Богдан Мозговой пилĕк награда (икĕ ылтăн, икĕ кĕмĕл, пĕр пăхăр) çĕнсе илнĕ, Эмиль Салемгареев картлашка çине тăватă хутчен (икĕ ылтăн, икĕ кĕмĕл) хăпарнă. Аделина Мозговая вара кĕмĕл медаль хуçи пулса тăнă.

Сергей Трухачев тренерăн вĕренекенĕсем Раççейри, Беларусири, Казахстанри 120 ытла ишевçĕпе кĕрешсе пысăк ăсталăх кăтартнă.

Автор:Надежда Родионова

Читайте нас

Новости партнеров