Пушкăртстанра ОРВИ чирĕн черетлĕ ÿсĕмĕ палăрать

Республикăра пыр-карланкăн çивĕч инфекцийĕ сарăласси вăй илнĕ. Роспотребнадзор пĕлтернĕ тăрăх, иртнĕ эрнепе танлаштарсан, вирус инфекцийĕсене çаклатакансем 8,8 процент нумайланнă. Чирлисенчен çуррине яхăнăшĕ, 47,4%, 14 çула çитичченхи ачасем.

Республикăра грипп вирусĕ сарăласси самай чакнă. Сывлăшра ытларах грипп шутне кĕмен вируссем çÿреççĕ.

Надзор ведомствинче чиртен сыхланмалли мерăсем пирки аса илтернĕ: алла час-час çумалла, пÿлĕмсене уçăлтармалла, шăнса пăсăлнă чир паллиллĕ çынсемпе хутшăнасран сыхланмалла, иммунитета тĕрĕс апатпа, тулли ыйхăпа тата физкультурăпа çирĕплетмелле.

Автор: Надежда Родионова

Читайте нас